जनप्रतिनिधिलाई जनताको सेवक बनेर काम गर्न सुझाव

स. सम्वाददाता
नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले नवनिर्वाचित जनप्रतिनिधिले एमालेको कार्यकर्ता होईन जनताको साझा प्रतिनिधि बनेर काम गर्न आग्रह गरेका छन् । नेपाल ट्रेड यूनियन महासंघ (जिफन्ट) को सातौं राष्ट्रिय महाधिबेशन प्रतिनिधि परिषद्को उद्घाटन एवं जिफन्ट अन्तर्गतका नव–निर्वाचित स्थानीय तहका प्रतिनिधिहरुलाई सम्मान गर्दै उनले जनतामाझ जनप्रतिनिधिले सहि काम गरेर देखाउन निर्देश गरे । जनप्रतिनिधिलाई एमालेले पत्याएको र जनताले जिताएको भन्दै उनले भने, स्थानीय तहमा तपाईहरु एमाले वा जिफन्टको कार्यकर्ताको रुपमा काम नगरी जनताको साझा प्रतिनिधिको रुपमा काम गर्न सुझाव दिएका थिए ।
उनले अहिलेको सरकारप्रति व्यङ्ग्य गर्दै भने, “यो सरकार र सरकारी गठबन्धन त्यत्रोबिना सुन्ने,बुझ्ने फुर्सद भएको सरकार पनि होईन र बुझ्दा पनि बुझ्दैन । मलाई कसैले चाईनिज भाषामा भन्यो भने मैले के बुझ्छु ? अहिलेको सरकारमा विकास र परिवर्तनका कुरा मैंले चाईनिज नबुझेजस्तै हो” उनले भने । आफुले विकासका कुरा गर्दा उखान टुक्काको संज्ञा नदिन उनले सबैस“ग आग्रह गरे ।
कार्यक्रममा जिफन्ट अध्यक्ष विष्णु रिमाल लगायत नेताहरुले जनप्रनिधिहरुले सम्पूर्ण क्षेत्रमा मजदुरका आवाज उठाउनुपर्ने, मर्यादित श्रम,सामाजिक सुरक्षा, मजदुरको पहिचान लगायतका विषयमा जोड दिनुपर्ने बताएका थिए । कार्यक्रममा माधव न्यौपाने स्मृति अवार्ड,नुरु वाङ्छु स्मृति अवार्ड, गंगादेवी छात्रवृति, गंगादेवी स्वास्थ्य उपचार सहायता प्रदान गर्नुका साथै एमाले निकट नेपाल ट्रेड यूनियन महासंघमा आबद्ध भएर स्थानीय तहमा विजयी करिब साँढे २ सय जनप्रतिनिधिलाई सम्मान गरिएको थियो ।

You May Also Like

Leave a Reply

Your email address will not be published. Required fields are marked *

Pin It on Pinterest