स.सम्बाददाता
ट्राभल तथा टुर ब्यबसायीहरुको छाता सङ्गठन नेपाल एशोसियसन अफ टुर एण्ड ट्राभल एजेन्टस (NATTA) को काठमाडौँ स्थित केन्द्रिय कार्यालयमा केहि दिन देखि पर्यटन सम्बद्द मजदुरले लगायको ताला खुलेको छ ।
बिगत केहि दिनदेखि संयुक्त पर्यटन ट्रेड यूनियन फोरमले बिभिन्न माग राखी आफ्नो माग पुरा गराउन नाट्टामा ताला बन्दि गरेको थियो । नाट्टा कार्यसमिति र फोरमका प्रतिनिधिहरु बीच चार पटक सम्म बार्ता भयको र कुनै निष्कर्षमा पुग्न नसकी समस्या समाधान तर्फ फोरमले तत्परता नादेखायकोले स्थानीय निकायको प्रतिनिधि र प्रहरी प्रशासनको रोहबरमा ताला खोलेको नाट्टाले प्रेस विज्ञप्ति मार्फत जनाएको छ ।
फागुन २६ गते देखि लागेको ताला फागुन ३० गते खुलेको छ ।कोभिड्का कारण थला परेको पर्यटन ब्यबसाय भरखर सुचारु हुन लागेको अवस्थामा यस्ता कार्यबाट स्वदेश तथा बिदेशमा नकरात्मक संदेश जाने र नेपालको पर्यटनमा दीर्घकालीन असर पर्ने भयकाले नाट्टा कार्यसमितिको निर्णयमा ताला खोलियको बिज्ञप्तिमा जनाएको छ ।
साथै कुनैपनि समस्याको समाधान बार्ता र छलफलबाट हुने भन्दै संयुक्त पर्यटन ट्रेड यूनियन र अन्य सरोकारवाला संग बार्ता र छलफलमा बस्न नाट्टा सदा तयार रहेको रहेको समेत स्पस्ट समेत गरेको छ ।
